"Хьухь муьтlуьгъ",-лагьана пайгъамбарди чаз,
Адан гафар авайвал кьуна чуна.
Де ша гьамишани муьтlуьгъ жез аваз-
Жуван кlвале мугьманвал кьуна чуна.
Чlуру фикирарни жував агуднач,
Масадаз талукьди адвай къакъуднач.
Часпарар эцигна-ванни акъуднач,
Дерд жуван къене таз,тlал кьуна чуна.
Кисна рахун тавун жуваз пеше кьаз,
Килигна масабруз-хьанач чешне кьаз.
Къакъатна кlвачиквай чил акваз-акваз,
Ярх тахьун патахъай цал кьуна чуна.
Кьуьлуьз, "Лезгинка"дал,чирдай кас хьанач,
Бубайрин весияр чав ахгакьарнач.
Гъавурда твадайни садни жагъанач-
Чарадан чlалакай чlал кьуна чуна.
Чун
© Copyright: Намик Фарзалиев, 2016
Свидетельство о публикации №116041504537
Свидетельство о публикации №116041504537
Рецензии