Зи дуст Абдулакимаз бахш!
Къекъвена са шумуд хуьре,
Рушар авай агъзур жуьре.
Хъуькъвер аби, пIузар мере,
НуьцIуьгъжуван руш акуна!
Школада, хуьре-кIвале,
КIвенкIвечийрин аваз кьиле,
Гьам тарихдин авай къеле,
НуьцIуьгъжуван руш акуна!
Гьам урус, гьам лезги чIалал,
Шииратдин рекье гьалал,
Таяр-туьшер алаз къвалал,
НуьцIуьгъжуван руш акуна!
Заира я тIварни вичин,
Цуькведавай къелем ичин,
Духтур пеше кIелиз кIвачин,
НуьцIуьгъжуван руш акуна!
Сажидиназ адан чIалар,
Хуш акуна кхьей гьалар.
Са кIус амай жез зун ялар,
НуьцIуьгъжуван руш акуна!
Заира
© Copyright: Сажидин Саидгасанов 4, 2016
Свидетельство о публикации №116041406710
Свидетельство о публикации №116041406710
Рецензии