Вун цифедкай хкатун ал рагъ хьтин,
Са гатфарин къуз зи вилик акъатна.
Алам хьана заз женнетдин багъ хьтин,
Рахан тежез амукьна мез, агатна.
Тавус къушран, сунадин ухшар кваз,
Чил кlвачериг хкьунтиз физавай вун,
Иер цуьк хьиз,гару вичин сивеваз,
Зи бахтунин къаншардиз гъизавай вун.
Лацу перем, а ви тандал алайни,
Гъуьруьн цуькед ухшарар кваз аквадай.
На лув гузвай-вахъ луварар галайни?
Зун хьи амай юза тежез чкадлай.
Аламатрал чlалахъ амай туш яшар,
Заз акl хьана карагзава вилериз.
Агакьна захъ-къатнавач на зи къаншар,
Ви гъил фейла,патав жегьил гъилериз...
Легьзе
© Copyright: Намик Фарзалиев, 2016
Свидетельство о публикации №116041403204
Свидетельство о публикации №116041403204
Рецензии