Ацукьна къе чи айвандик-симинал,
Мани лузва на мадни чаз,чубарукl.
Ви атуниг зи руьгь уна чими на,
Атанва вун гатфар гваз,чубарукl.
Хци вилер,чlулав далу,хур-лацу,
Такабурдай кьунва вуна жув яцlу.
Ттум гьача я-ни чуьнуьхна ви цlакул?
Фирай,тахьуй къайгъу чугваз,чубарукl.
Вуч сирр я им-зун гъавурда акьадач,
Са къушни гьич инсандив икl агатдач.
Архайин яз,инсанди ваз са затlдач-
Межер икьван ихтибараз,чубарукl.
Вун сад лагьай хабарчи я,гатфарин,
Са чешне я,тебиатдиз рафтарин.
Инсандикай жуваз дуст кьун къастарин
Эхир вуч я-чидани ваз,чубарукl?
Кичlе жемер,вил ягъамир на закай,
Имкан тиртlа муг эцигиз гъил къадай.
Дуст лагьайдаз хаянатна рикl хадай,
Авач къилих и Намиказ,чубарукl.
Чубарукl
© Copyright: Намик Фарзалиев, 2016
Свидетельство о публикации №116041403143
Свидетельство о публикации №116041403143
Рецензии