Вуч я ватан?
Ватан-зи чан...
Ам зи диде,хайи макан.
Зун экъвенвай гьар са суван
Кукlуш,къакъан.
Къайи булах авахьзавай
Тарарин кlан.
Аял чlавуз кlвач галкlана
Зун якъалдун
Гьар гъвечlи къван.
Рикlин шаддик
Хуьрезвай ван.
Вуч я Ватан?
Ам зи виждан,
Ам зи тlвар я.
Ам зи халкьдин
Уьмуьрдин сан.
Авачиз яз жедач сакlан...
Ватансуз кас руьгь галачир
Ичlи са тан...
Вуч я Ватан?
Зи уьмуьрдин гьар чlавалай
Бахтлу заман.
Вуч я ватан?
Яшайишдин генг тухуниз
Ам са такан.
Вуч я Ватан?
Рекъин эхирда хтана
Ял ягъадай чка,жуван!
Вуч я Ватан...
© Copyright: Намик Фарзалиев, 2016
Свидетельство о публикации №116041403123
Свидетельство о публикации №116041403123
Рецензии