Яру,хъипи алукlна мад,
Зул атана сувар гваз.
"Кьуьд я вилик,элячlна гад,"-
Лугьузни чаз,хабар гваз.
Саки на луз халича ян,
Авахьнавай пешер,таран?
Вуч иер я зул,и чlаван,
Шикилар хьиз рангар гваз.
Бул бегьерар гъанава чаз
Зулу вичин къжахдаваз.
Элни ава кефияр саз,
Зегьметрин нувбагьар гваз.
Арандиз вун ша,зул,дагьдиз,
Шад я зун ви гьар суракьдиз.
Са тек зи ашкъидин багъдиз
Къвемир жуван гарар гваз.
Зул
© Copyright: Намик Фарзалиев, 2016
Свидетельство о публикации №116041403121
Свидетельство о публикации №116041403121
Рецензии