Микаил Мушвиг Мад а багъ хьана кlандай

Мад а багъ хьана кlандай,мад кlватl хьана,вуч жедай,
Куьн а багъдиз куьч жедай.
Агакьарна мураддик фелекди ийин хвеши,
Чунни квез хъжен къунши.
Мад а багъ хьана кlандай,заз вун фад-фад аквадай,
За къелемдиз гаф гудай.
Гьар йкъуз цlийи мани,гьар йкъуз цlийи гьевес,
Уьхънен-нянь тежез бес.
Килига эрзимандиз,ян тилерлай,шуькуь,ви?
Лагь,ян,вини рикlиви?

Мад а багъ хьана кlандай,мад хкъведай чун куьниз,
Рахунариз,хуьруьнуьз.
Ви кхьанвай бахишри рахурдай зи руьгь,зи чан,
Зунни жедай шад,кубан.
Чинеба суьгьбетарзай рикlин игьтияждикай.
Вахакай,стхадикай
Пара вахт регъуьз жедай,
Ийир суьгьбет дегишна,
Зунни вун агьуз жедай.
Мадни санал ягъадай чи рикlери,чинебай,
Я чан эсмер чин алай.

И гатфар са масад я,и гатфар мадни хуш я,
Вай хьуй а рикlиз-буш я.
Гьар патава са гьевес,гьар бужахда са умуд,
Инсанрин кеферни худ.
Гьиссер са кlусни назик,фикирар лапни дерин,
Рикlер са кlусни серин.
Инсанрин такабурвал,тlалабар лапни къакъан.
Рекъерини амач къван,
Михьи хьана азад я.
Элни кефинва,шад я,
И гатфар са масад я.

Мад а багъ хьана кlандай,мад а къерех,а къумар,
Ятар элячlиз ччар-ччар.
Вил тухана,ви чlвелер хьиз элкъвезвай,лепейри,
Зунни турай гьевесри.
Къжахламишна тухуз хьайтlа,лепейри,тан ви,
Гьатрай рикlе тlурфан зи,
Гьатрай чайгъун,шаквилер,
Буьркьуь из ашкъид вилер,
Багъмишрай зун зи хъиле.
Катна къахчуна кlандай за вун лепед виликай,
Кьуна шуькуь йикьикай.
Чи хиял хьана кlандай,ашкъидин гуьлуьн къене,
Эхъуьз лепейрин винел.
Зи гьевесрин елкенар ви чlарар хьана кlандай,
Ятар кlар хьана кlандай.

Им вуч иер шиир я,им вуч иер тамаша,
Килиг Каспи гьуьлуьз,ша.
Акъахна Бузовнада куквал,гъвечlи рагарин,
Тамашатlун са герен.
Йифериз,бубуяр хьиз,гъетерни кудай чlавуз,
Чилиз нур гудай чlавуз.
Цкана пад-къерехдиз лацу нур стlал-стlал,
Галаз патав,кас,мукьал,
Вуч иер я акалун яб,ятарин манидик,
Тебиатдин ваниник.
Вуч иер я экъвуьнар гатун чими береда,
Серин гьуьлуьн къерехдал.
Вуч иер я пакамахъ чаз цlийи руьгь атунар,
Кlанивалин кьатlунар.
Ви шикилдай аквазвай ятаркай лезет къачун,
Шиирдикай руьгь ацlун.
Лепеяр хьиз хкаж хьун,лепеяр хьиз агъуз хьун,
Гагь кхана цув хъхьун.
Гьар лепе лацу прар алай са балкlан хьтин,
Ингье чи давран хьтин.

Мад а багъ хьана кlандай мугьуббатрин уьлкеда,
Суьгуьт ттарцин куьлгедик.
Чими къумарин винел гана чуна гъил-гъилиз,
И гад акъудзай кьилиз.
Чи йкъарни акъатрай са къизгъин шадвал хьтин,
Ацlанвай бокал хьтин.
Пешерин арадагъни яргъи авуна гъилер,
Азизламишиз тилер,
Йифериз варз атурай,кьил эвягъуз ваз,гуьзел,
Вун гуьзел ян,варз гуьзел?

Гъилер зи ви гъилема,вилер зи ви вилема,
За лугьур гьар келима
Рикlин япукай ви,са къизилдин сыргъа жедай,
Рагъ акъатна экв жедал.

И гатфариз зи дустар са кlус бахтавар жеда,
Арад ихтибар жеда.
Ахъайда елкенарни лапни яргъи рехъ ийид,
Давран цlийид,руьгь цlийид.
Цавар атуз акъахда зи дустар,элкъвез-элкъвез,
Булутра экъвез-экъвез.
Лув гуда пакагьан къаз,гележекдиз лув гуда,
Цавун бушлухриз фида.
Са чlавуз гуьлге хьтин яшамишиз кlанзайбур,
Инсан луз авазвайбур,
Азадвилин дуьньяда са кlусни шад жеда хьи,
Уьмуьрдуьхъ дад жеда хьи.

Мад а багъ хьана кlандай,агагъ хьана,вуч жедай,
Куьн а багъдиз куьч жедай.
Агакьарна мураддик фелекди ийин хвеши,
Чунни квез хъжен къунши.
Мад а багъ хьана кlандай,заз вун фад-фад аквадай,
За къелемдиз гаф гудай.
Гьар юкъуз цlийи мани,гьар юкъуз цlийи гьевес,
Уьхънен-нянь тежез бес.
Килига эрзимандиз,ян тилерлай,шуькуь,ви?
Лагь,ян,вини рикlиви?

Перевёл Н.Ф.