За лагьан хьи,вуч жеда кьван садра хтайтlа кlвализ,
Вуна лагьан гьич гьат мейир кьил кьадачир хиялриз.
За ваз лагьан са зур сят акъваза,хьухь заз мугьман,
Эскиди хьиз айвандик чи самавурдин чайни хван.
За лагьан хьи,дарих я зун а ви ширин ванихъди,
Вуна лагьан тlимил рахух,алат квахь анихъди.
Минетин за кват тавуй зун ахварай,вун галай,
Вуна гьарай гана лагьан,гъил къачутlун на залай.
За ваз лагьан вун татайтlа,зун ваз мугьман жедаман,
Вуна лагьан,яргъи мейир ихтилатар,атlутl ван.
Бес за вучин,вун зав къведач,зунни жував агуддач,
Зи дердиниз,я чан диде,вуна са рехъ акъуддач?
Заз чидачир диде тахьун,йитимвилер вуч тир жал,
Зун гьич чlалахъ жедачир кьван,къведа зални иктин гьал.
Фена,амач диде кlани,хьана муьшкуьл квалахар...
...Амайди заз рахунар я ада галаз ахвара.
Ахвар
© Copyright: Намик Фарзалиев, 2016
Свидетельство о публикации №116041403100
Свидетельство о публикации №116041403100
Рецензии