Кьуьзуь хьана кватайла,
Азарлу яз аватайла,
Яргъан-месе зун гьатайла,
Зав зи кlани яр атурай.
Эгер бахтар куьруь хьайтlа,
Крар тамам чlуру хьайтlа,
Атlудай гъил къуьруь хьайтlа,
Куьмекиз дустар атурай.
Кьисметар яз рехъ алатда,
Яргъал гъурбатриз акъатда,
Са затlни ваъ,гьич тахьайтlа,
Ватандай са чар атурай.
Залан дерд я хьи,пай хьунар,
Са халкьдикай кьве тай хьунар,
Чидай касар и уюнар,
Цикириз часпар,атурай.
Намик,беса,авач ваз тlям,
Эциг гъиляй кагъаз-къелем,
Чlалар лугьуз тlарам,мягькем,
Майдандал устар атурай.
Атурай
© Copyright: Намик Фарзалиев, 2016
Свидетельство о публикации №116041403068
Свидетельство о публикации №116041403068
Рецензии