Инсан къведа и дуьньядиз,
Уьмуьр лугьур пар винеллаз.
Гьар сад жеда ама гьализ,
Чебиз кьабул тlвар винеллаз.
Са инсанар хъуьтуьл жеда,
Са инсанри са-сад неда,
Садбур регьят рекъиз къведа,
Садбурни хьи кlар винеллаз.
Сад агалкьда алим хьана-
Дуьньядиз тlвар-ван авуна...
Садани чlур квалах кьуна
Дустах фида кар винеллаз.
Са инсанар угъри жеда,
Садбур мелек-гьури жеда,
Дугъририлай дугъри жеда
Садбур ихтибар винеллаз.
Чир жедач чаз гьим вуж ятlа,
Авайди я гьим гьи пата,
Хупl жедачни,бес атайтlа
Инсан-сортин ччар винеллаз...
Винеллаз
© Copyright: Намик Фарзалиев, 2016
Свидетельство о публикации №116041403057
Свидетельство о публикации №116041403057
Рецензии