Хьана гишин,акуна заз-
Вав ацlанвай тlас а,хинкlал.
Авайтlа вун зи патав гваз,
Хупl жедай хьи хъсан,хинкlал.
Вун чи суфрайрин нямет,я,
Верцlи тlеям я, леззет я.
Гьич лугьумир эзият я
Ийиз тини ишан, хинкlал.
Хпрен ниси целце жеда,
Гъерид мастар кварце жеда.
Дидед хинкал верцlи жеда,
Гуз тахьурай сусан хинкlал.
Хьун паталди хинкlал гьазур,
Як герек я, садни хьи, гъуьр.
Рази жеда мугьманар , тlуьр,
Чрайбурни - масан, хинкlал.
Авахьиз яд - гьекь пелерай,
Чем - гъери кватиз гъилеркай
Неда чна - чи кlвалерай
Эксик жемир вун, чан хинкlал.
Хинкал
© Copyright: Намик Фарзалиев, 2016
Свидетельство о публикации №116041403028
Свидетельство о публикации №116041403028
Рецензии