Вил жеда ваз,суна дилбер,бес хъая мадни,наз гумир,
Чlанди квай вири назар лап са кlусни ттаз-гумир.
Вуч лагьана гъуцари вун халкь авуна и дуьньядал,
Гьич тlагьайтlа и ви назар масадбуриз акваз гумир.
Вун кlвачари зорар аваз фидай чlавуз аквурла заз,
Килиг тийиз,миннет хьуй,зи сефил рикlиз тlараз гумир.
Мез къведач хьи лугьудайвал закай яргъал экъуьгъ,дилбер,
Зи хъисметда аваштlа вун,и ви назарни заз гумир.
Каря гила,викlегь хьана лугьу хьайтlа "заз вун кlанда"-
Зун язухдиз на "ваъ" жуваб,"эгь" гаф аваз-аваз,гумир.
Ви севдайри кьил къадайд туш,Намик,ахпа цlрар жеда,
Буш-бушина шиир кхьиз,на зегьметар жуваз гумир.
Къезел
© Copyright: Намик Фарзалиев, 2016
Свидетельство о публикации №116041309987
Свидетельство о публикации №116041309987
Рецензии