Зун дидеди хайи чка женнет хьиз са макан я,
Адан кlуфар вили цава авай дагълар кьакьан я.
Гатфяр хьайла гьарайзава йару мирги камарай,
Гъуьруьн цlуькер,беневшаяр акъучдава тамарай.
Вилин нагъв хьиз михьи вацlар авахьзава кьве патай,
Хъваз булахрин къайи ятар куьн садра мугьман шатlа.
Цlару кlекре эвердава гьеле уьхънен пакамахъ,
Зун исятда шегьердава,пагь,хуьруьхъ вил галамаз.
Яб галатна заводринни фабрикайрин ванар хьиз,
Машинринни гумар незва гьакlван кlеви ччанар хьиз.
Мумкин хьайтlа зун шегьерда декьикьани гьич хъуцач,
Зун са хуьрел ашукь кас я,за шегьердиз гъил гудач.
Вуч лагьайтlа заз гьамиша зи хуьр хуш я,масан я,
Кьисмет аваз гьина хьайтlан-хуьр зи эхир макан я.
Зи хуьр
© Copyright: Намик Фарзалиев, 2016
Свидетельство о публикации №116041309962
Свидетельство о публикации №116041309962
Рецензии