Было объявление о продаже земли...
Маса гумир хайи чилер бубайрин,
Ана балкlан гьал тавурай чарада.
Къадир чир хьухь жуван хайи убайрин-
Ватан пайна,амукьда куьн арада.
Ни гъил эцигнатlа, атlана гъилер,
Ни вил вегьенаlа,акъудна вилер,
Тунва чаз бубайри и хайи чилер,
Маса гумир гьатайтlани дарада.
Маса гайтlа,чlана жеда чи кlвалах,
Тахьайтlани акьван амач чилер чахъ.
Дакlанбурин жеда и кар рикlерай-
Хвеши жеда,абурни чал хъуьреда.
Чи бубайри вил хьиз хвена чилер чи,
Чакай жедан гила чилин алверчи?
Къе чил гуда,пакlа жеда диленчи,
Са намус я,хгун хъийид,сырада.
Бубайри са аманат яз туна чаз,
Чанар гана,кlвал-йугъ,Ватан уна чаз,
Хуьх лагьана,кьин гана,кьин кьуна чаз,
Хуьз тахьайтlа,чун жегьнемда цlрада!
Маса гумир хайи чилер...
© Copyright: Намик Фарзалиев, 2016
Свидетельство о публикации №116041310153
Свидетельство о публикации №116041310153
Рецензии