Кайтlани
Са квез кани хьуналди,ччар ракъурмир,
Рази туштlа руш-илчияр ракъурмир,
Гьаваян-жуван ихтибар ракъурмир,
Цlай кумукьдач рухъерикни,кай танин,
Са рекьидач-мугьуббатди кайтlани.
Туракь хъуьхъер авайди я-нагъв тежер,
Мез-гаф ава-эцигай хер сагъ тежер,
Ашкъи ава-бегьер гана,багъ тежер,
Цlай кумукьдач рухъерикни,кай танин,
Са рекьидач-мугьуббатди кайтlани.
Булахрини ятар ругъул жеда кьван,
Рагъ куткуда-цифер ахпа къведа кьван,
Канибуриз куь зайифар чида кьван,
Цlай кумукьдач рухъерикни,кай танин,
Са рекьидач-мугьуббатди кайтlани.
Хару жейран ислягьарун регьят я,
Нур гудайди адан ийер сурат я,
Хана,какунтавунни-са журат я,
Цlай кумукьдач рухъерикни,кай танин,
Са рекьидач-мугьуббатди кайтlани.
Свидетельство о публикации №116041310143