Уьхънен-уьхънен экьечlнавай зун багъдиз,
Шегь аватна,векьер авай куьчlенваз.
Тарцин кlаник гъвечlи нуькрен шарагди
Илиг тийиз эверзавай вижеваз.
Пур гуз тежез амазавай фагъара,
Гьинаватlа яраб диде язухдин?
Акlанавай къакъан къалин векьера,
Къачуна за гъилиз жуван,чавухдиз.
Юзазавай,жик-жирикиз датlана,
Мекьилай тир,кичlелай тир-чида низ?
Са легьзеда гьинай ятlани хтана
Диде адан,хкадариз зи чиниз.
Хкадарна чеб,зи гъилегъ акъатна,
Диде акур бала гзаф шад хьана.
Нуькlни фаддик закай яргъаз къакъатна,
Эхцигна ам тарце авай мукана.
Гьайран хьана зун,нуькlрен и квалахдиз,
Балад патал чеб цlайузни вегьидай.
Чир хьанайтlа чlал,за нуькlрен шарагдиз
"Вун бахтлу я,диде аваз",-лугьудай...
...Уьхънен-уьхънен тал гьатнава зи рикlе...
Зи дидени гьактин викlегь диде тир.
Ам цlрана шемхьиз балайрин рекъе-
Захъ диде хьиз кудай са кас амач хьи...
Дидедин мугьуббат
© Copyright: Намик Фарзалиев, 2016
Свидетельство о публикации №116041310129
Свидетельство о публикации №116041310129
Рецензии