Ифенвай нисин,Дагъустандин дере,
Кьуркьушум хураваз хьанвай зун яргъи.
Юзазвач;гум ама зи дерин хере,
Ивид стlал-стlал гузавай тlили.
Зун деред къумадал тек яргъи хьанва;
Кьуд пад элкъвез-элкъвез рагарин чархар.
Хъипи кукlушарни ракъини канва,
Зани куз-ийизва кьейидан ахвар.
Ахвара аквазва хайи патарин
Нянин илифрин кузавай эквер.
Кьилел цуькер алай жегьил папари,
Закай шад сугьбетар ийизвайди тир.
Акахьни тавуна рахунрик и,шад,
Жегьил руьгьни вичин ахваравай хьиз,
Анал ацlукьнавай фикирариз сад,
Вуч тир къайгъу адан-са аллагьдиз чиз.
Дагъустандин дере аквазвай адаз;
Таниш са мейит тир,алаз чlулав хер;
Дереда къатканвай,хурагъ,гум галаз,
Адан,авахьзавай,ивид къайи хел.
М.Ю.Лермонтов "Ахвар"
Перевёл: Н.Фарзалиев
Лермонтов Сон
© Copyright: Намик Фарзалиев, 2016
Свидетельство о публикации №116041310119
Свидетельство о публикации №116041310119
Рецензии