Атана

Намик Фарзалиев
Экрандилай чlулав-лацу,
Дериндай,хур ацlуз-ацlуз...
Лугьузвай сес-ван атана.

Са мулайим дишегьли я,
Ам итим хьиз гуж егьли я...
Кlвалериз мугьман атана.

Кlелзава лезги манияр,
Чи верци эски манияр...
Чанариз дарман атана.

"Дагъустандиз ша",-лугьузва,
Мани "Беневша" лугьузва...
Яб гайидал чан атана.

Ахпа "Кlани яр" къвезава,
Рикlериз гатфар къвезава...
Ашкъидин лукьман атана.

Цlийи мани хъулгьудач мад,
Зи халкьдин билбил Рагимат...
Амачир давран атана.


© Copyright: Намик Фарзалиев, 2016
Свидетельство о публикации №116041310053
Список читателей / Версия для печати / Разместить анонс / Заявить о нарушении
Другие произведения автора Намик Фарзалиев
Рецензии
Написать рецензию
Другие произведения автора Намик Фарзалиев