Эхиримжи гуьруьш

Гатун йигъ я,йифен бере,вацран экв,
Нур къвазава цавай къацу векьерал.
Хиялариз амазва зун инал тек,
Вил вегьена яргъал,лацу рекъерал.

Са йис вилик гьиктин са йиф тир мадни,
Гъетер аваз чинни михьи тир цавун.
Ахвараллаз ксанавай кьуд падни,
Ацукьнавай и чкадал зунни вун.

Пара вахтар авай такваз чаз са-сад,
Раст хтана мадни санал фей гатуз.
Фикирдачир икьван зун вал жеда шад,
Вунни шад тир чи гуьруьшдуьз,за кьатlуз.

...Аскер фена зун мектебар хуьтягьна,
Кьвед йис ашкъид чарарни ваз рагурна.
Са гатфариз зун элкъвена хтайна,
Чир хьана заз-на мехъерар авуна...

Кlанивилин гаф хьанавай зунни ви,
Икl жедайжал акьулдизни гъидачир.
Акур виляй хьанач гафар чи кlеви,
Хьанайтlахьиз кьилел ибур къведачир.

Фейи гатуз чи рекъер мад агатна,
Заз акl хьана жедивайди са мах я...
Вун такурай лугьуз пара зун гатна,
Амма гила са гуьруьшдуьз дамах я.

Мадни садра вун ахквадай умуддал,
Хтанва зун...гъиле къуна яру цуьк.
Чи ашкъидай цlийи ялав акъуддай,
Кматlа луз,руьхъед кlаник чими цlукl...

...Гатун йигъ я,йифен бере,вацран экв,
Ацукьнава къацу,хъуьтуьл векьерал.
Вун хтанач,амукьна зун инал тек,
Вил аламаз рукад къунвай рекъерал...