Тау Тылат, Поро Кугу Юмо!
Тау Тылат, илышым пуыметлан,
Тау сай-тазан куштыметлан,
Ешымат погаш полшыметлан,
Родо-тукым ден келшымемлан.
Лач Тый ачам-авам пуренат,
Нуным пагалаш таратенат,
Илыш корнем волгалтенат,
Ончыкылан ушаным пуэнат.
Тау, Тылат, Поро Кугу Юмо!
Лач пурымет ден пиалем мумо,
Эл кумдыкым ужмо, туня турым –
Умбакыжат порым вел пуро!
Лач Тылат кумалам, Поро Юмем,
Илыш пиалым эре сорвалем.
Лач Тылат гына, Поро Юмем,
Умыр мучко тауштен илем!
Тау Тылат, Поро Кугу Юмо!
© Copyright: Эрик Эрнст Петров, 2016
Свидетельство о публикации №116041001677
Свидетельство о публикации №116041001677
Рецензии