Яраб заз вун ахквадач жал, садрани
Рик1 акъудна кабаб авур - яр я вун.
Селлер туна катайла вун, чанда зи,
Якъаз тахьай, дамардавай - къам я вун.
Низ чидай кьван, са гафунал квахьдайди,
Гьакьван агъу рик1е авай - яр я вун.
Рик1ин дамар агаж хьанан?- лагьайди,
Кьисас чанда экъуьрзавай - гар я вун.
Билбил рахар дереярни кьурайди,
Квахьайла зи рик1е авай, яд хьиз вун.
За цуькверикай нехиш туна храйди,
К1анда лагьай зи аманат - яр я вун.
Авахьзавай цпиц1ар хьиз ви гафарал,
Чандин дердер къати авур - яр я вун.
Къалурнач заз к1анивал гьеч ви крарал,
Вилер кьураз ц1игел тур са ц1ай я вун.
Дере - тепе талхьуз гьатай вахтунда,
Зи шиирар рик1из гъайи - яр я вун.
Куьтях тежер азаб туна зи чанда,
Ч1арари ранг лацу авур - хар я вун.
Йисар фена акъатайла лугьуда,
Рик1е чук1ул туна квахьай - яр я вун.
Къит1кьин хьана жигердай пад акъудда,
Эгер амма амукьайт1а садра зун.
Яраб заз вун ахквадач жал..
© Copyright: Назиль Махмуд 76, 2016
Свидетельство о публикации №116040203272
Свидетельство о публикации №116040203272
Рецензии
Зи рик1 вуна тунач секин-
Гафар вири накъвар яхьи!
Гьуьлелайни язва дерин!
Ваз акурбур гъамар яхьи.
ИЕР ГАФАР Я,НАЗИЛА ВАХ!
Сельмина Курабекова 03.04.2016 14:35 • Заявить о нарушении
Гафар вири накъвар яхьи!
Гьуьлелайни язва дерин!
Ваз акурбур гъамар яхьи.
ИЕР ГАФАР Я,НАЗИЛА ВАХ!
Сельмина Курабекова 03.04.2016 14:35 • Заявить о нарушении