Ацукьнавай дак1ардив,
Зун зи багъдиз килигиз.
Кьунвай тарар живедив.
Аквазвай лап сефилдиз.
И гьал акур ч1авуз за,
зун зи багъдив гекъигна.
Авуна за зи арза,
Эхтилатдив илигна.
Зазни хьайид я гатфар,
ХЬайид я зунни цуькведа.
Гадни хьайид я заз,
Гьа квез хьайи жуьреда.
Зулни хьана гарарин,
Марфарини гатана.
Ранг дегишна ч1арарин,
Кьуьд уьмуьрдиз атана.
Ингье хъуьт1е ава чун,
КЬилни куь хьиз лацу я.
Чуплахни хьанва зун,
Веледрихъни кьару я.
Амма ава дегишвал,
Чи уьмуьрдин арада.
Цуьк хкведа хелерал,
Мад гатфарин береда.
Гадни хъижеда уьмуьрда,
Акажда куьн бегьерди.
Мад са шумуд сеферда,
Ранг дегишда уьмуьрди.
Амма зи ранг мад дегиш,
Хъижедач зи девирда.
Зи рангунал яз вердиш,
Жеда амай уьмуьрда.
Я гатфар,гад хкведач,
Чагъвилин пай ат1на.
Зулни мад заз ахквадач,
ХЪуьт1е жеда дат1на.
Кадимбег Ильясо
Багъдив рахун
© Copyright: Кадимбег Ильясов, 2016
Свидетельство о публикации №116033108171
Свидетельство о публикации №116033108171
Рецензии