Ламарин межлис

Чакъаларни ква межлисдик къенин,
 Икрам ийизва, къекъвез к1вачерив.
 Тарифар ийиз ч1ехи ламарин,
 Ни вуч изват1а хуьзва вилерив.
 
 Тамадади   пай ийзава тостар,
 Эвериз тхузва, межлисдин юкьвал, 
 Вичин стха,вахар,миресар,дустар
 Са багъри касни тазвач къе яргъал.

 Далдамдин ванци къачунва дере,
 Межлисар хьанва дахьай жуьреда.
 Т1уьн пара хьайбур гьатнава кьере,
 Квал кумайбурни ава руькъведа.

 Амай гьайванар къвазнава яргъал,
 Садбур мегьтал яз, бязибур сефил.
 Бахтсуз хьайбурни атанва  инал,
 Бахтар чуьнуьхай-чиб хьана гъафил.

 Са раган к1енив шезва бязибур,
 Далдам гатайкьван ийиз агьузар.
 И ван хьайила кьаз хьанач сабур,
 Эвич1на са лекь, хьанач ам бизар.

 Жузуна лекьре:вучиз шезва,лагь?
 Вучиз пашман я, къе ик1 куь нехир?
 -бес шедачни чун,авач са панагь
 Далдамдалай хам-чи хам я эхир.

 -Аллагьди секин авурай куь т1ал,
 Дуьз жеда вири,ч1угвамир фикир.
 Ихьтин межлисар фидай туш яргъал,
 Къведа вахт, гьабрунни хкведа нехир.

   Кадимбег Ильясов