И дуьньяда са экв такур,
Я регьятвал, шадвал такур,
Залан йифер, йикъар акур,
Сулейманан кIвал хьана сур,
Вучда гила, лагь куьне заз?
Кьве вил шехьиз физва накъвар,
Мад вуч ама вилиз таквар,
Пашман хьана лезги халкьар.
Дердер аваз фида вахтар,
Вучда гила, лагь куьне заз?
Икьван пехъи жедан инсан,
Течир гьич са писни хъсан.
Чи аманат кана масан,
Шииратдин, руьгьдин майдан,
Вучда гила, лагь куьне заз?
АтIурай а ламатIдин гъил,
Вуж ятIани алачир кьил,
Авур зи халкь икьван сефил,
Жедан гьакьван инсан пехил,
Вучда гила, лагь куьне заз?
РикIивай дерт эхиз жезвач,
Душман тергдай касни авач,
Сулейманан кIвални амач,
Кьурана сив, гаф жагъизмач.
Вучда гила, лагь куьне заз?
Пашман хьайи - Яран Сувар
© Copyright: Назиль Махмуд 76, 2016
Свидетельство о публикации №116032304545
Свидетельство о публикации №116032304545
Рецензии
Так это год назад было?А я только вчера увидел у кого то на странице!Как говорят;-Куьгьне накъвар цlийи хъвун.
Магомед Мирзоев Мирзой 01.02.2017 21:55 • Заявить о нарушении
Магомед Мирзоев Мирзой 01.02.2017 21:55 • Заявить о нарушении
На это произведение написаны 2 рецензии, здесь отображается последняя, остальные - в полном списке.