Чан играми, чан зи лезгияр!
Мубаракрай квез, Яран Сувар!
Ахъай гила ачух суфраяр,
Гьар са хуьре стхаяр, вахар.
Ц1апанралди туьк1уьрда чи Яр,
Ракъини хьиз ц1арц1ар гуз нурар.
К1ват1 жеда дустарни, къуншияр,
Иштарак ийиз - Яран Сувар.
Чи лезгийрин тават, гьуруьяр,
Муьгьуьббатдин акатрай лувар.
Жагъура квез, лекьеркайни Яр,
Гъилерихъ култаз яру гъалар.
Чи гужлу тир, лекьер - гадаяр,
Рушариз лагь, ашкъидин гафар.
Цуькверикай, квез са гуьрчег Яр
Хкудра куь кьисметдин кьадар.
Шадхьурай чи вири лезгияр,
Акъатрай куь кьилиз мурадар.
Акъаж хьурай ялаврин ц1аяр,
Гьар садан рик1, ийирвал шадар.
Берекатлу Яран чи Сувар!
Варар ачух - къацу хьуй ч1урар.
Акъудрай куь чандавай къаяр,
Уьмуьрда хьуй гьар садаз, бахтар.
Аллагьди хуьй, чан зи - ЛезгиЯр!
Яран Сувар
© Copyright: Назиль Махмуд 76, 2016
Свидетельство о публикации №116032111283
Свидетельство о публикации №116032111283
Рецензии