Лезги я зун,
Тайифайрин хилер тур.
Гъиле аваз хьелер, тур,
Тарихда дегь гелер тур.
Лезги я зун,
Гъуцарикай панагь кьур,
Тубайрикай гунагь кьур,
Алпанакай аллагь кьур.
Лезги я зун,
Пак ягъунра чан гайи,
Чапхунчийриз къван гайи,
Лазим чlавуз ян гайи.
Лезги я зун,
Куьрсна яракь къуьнуьхъай,
Физ стхайрин виликай,
Гуржи рушар чуьнуьхай.
Лезги я зун,
Яракай пак сувар кьур,
Цlаярикай лувар кьур,
Тик ценерик муквар кьур.
Лезги я зун,
Чандиз дава чlал хьайи,
Вичин рикle тlaл хьайи,
Вил Кьулан вацlал хьайи.
Лезги я зун,
Зи Лезги Ватан тахьай-
Са халкь са патан тахьай,
Рикlел гьич садан тахьай.
Лезги я зун,
Несил акваз перт хьайи,
Нагьахъ акваз серт хьайи,
Шумудни са дерт хьайи.
Лезги я зун
© Copyright: Вадим Адилов, 2016
Свидетельство о публикации №116030505904
Свидетельство о публикации №116030505904
Рецензии
Фикирар сагъ хьуй,чан хтул!Вун хьтин,Владик хьтин,Сулейман хьтин жегьилрив къелем гумай кьван чун ЛЕЗГИ яз амукьда!
Римма Гаджимурадова 25.12.2016 17:52 • Заявить о нарушении
Римма Гаджимурадова 25.12.2016 17:52 • Заявить о нарушении
На это произведение написаны 2 рецензии, здесь отображается последняя, остальные - в полном списке.