Гафар закай, макьам вакай
Ц1ийи мани кхьин билбил.
Дава я заз, гьалал аваз,
Рик1 ая зи секин билбил.
Акьваз жервал вилик селдин,
Ша рехъ ат1ун туькьуьл шелдин.
Рик1е гьахьна хайи элдин
Руьгь винизна хъфин билбил.
Камарин цуьк, рагарин къван,
Лекьерин къив булахдин ван,
Са к1ус гъил яхъ, манида тван
Салам жервал экуьн билбил.
Билбил
© Copyright: Эйваз Гуьлалийрин, 2016
Свидетельство о публикации №116021911672
Свидетельство о публикации №116021911672
Рецензии