Атай чIавуз кIвализ мугьман,
РикI ахъайда лезгиди.
КIвалин ракIар хъуьрез-хъуьрез,
ИкI ахъайда лезгиди:
-Вун атурай, рагъ атурай,
Экв атурай кIвализ чи.
Ви гелерай чIехи гъуцра,
Рехъ атIурай кIвализ чи.
Атай инсан берекатдив,
Гъуц атунив сад кьада.
Пелеш ятIа, тIалди кьуна
Чуьнуьхарна шад кьада.
Ашкъи хъуьрез ахъа пеле,
“Ша” лугьудай мециз кьий.
Михьи рикIив вини кьиле,
Ацакьардай кIвализ кьий.
Шаир Эйваз дамах ая,
Хайи элдин адетрал.
Инсан кIани, ватан кIани,
Руьгь виниздай хесетрал.
Дамах ая, адетрал
© Copyright: Эйваз Гуьлалийрин, 2016
Свидетельство о публикации №116021910270
Свидетельство о публикации №116021910270
Рецензии