Шердивай рикIерив агат жедачир,
Инсанрин нефсиниз тербет хьанайтIа.
Напакдин къаншарда агаж жедачир,
ЧукIул сух хьайидаз рябет хьанайтIа.
ТIарам хуьз тахьайтIа и тIалдин кьенер,
Итимдин далудал пурар эцигда.
Чамарна кьуд патаз, хкудна кефер
Келледал чка кьаз гурар эцигда.
Цаву чилив ганва инсанрин карван.
Авай вад югъ уьмуьр хъендик акъудмир.
ЛукI жемир нефсинин, вине яхъ инсан
Багъридаз багъри лагь, хъелдик акъудмир.
Нефсинин лукI жемир
© Copyright: Эйваз Гуьлалийрин, 2016
Свидетельство о публикации №116021910239
Свидетельство о публикации №116021910239
Рецензии