Танг атады, кюн батады,
Хар ишни бир заманы.
Къач келсе чапракъ къуяды,
Къыш джетсе себер къарны.
Джаз джылыу бла уянады
Табигъат чукъусундан.
Джай джашнаб къуандырады,
Кёз алмазча арюудан.
Джаш тууады,къарт болады,
Кёзюунде джашауну.
Къадарны Аллах джазады,
Анга салдым махтауну.
Аллахны къадары
© Copyright: Айшат Кущетерова, 2016
Свидетельство о публикации №116021800180
Свидетельство о публикации №116021800180
Рецензии