Кан хьун т1имил я
Вилерин экв, шиирдин рехъ
Ялав я рик1ин.
Чилин винел, цавун к1аник
Уьмуьрдин рекъин.
Рахада зун ац1урна сив,
Ч1ал ава лугьуз.
Гафун рик1е, рик1ин виле
К1вал ава лугьуз.
Сур ч1аварин лезгидин т1вар
Алазма лугьуз.
Ч1ал гъуцар хьиз чидай ксар
Амазма лугьуз.
Къурбан я зун, «кь»-яр, «т1»-яр
Акъатдай мукваз.
Гьикьван верц1и, гьикьван регьат
Зверзавай аваз.
Дидедин ч1ал, кан хьун т1имил
Канарна канда.
Иервилер ц1арара тваз
Ванарна к1анда.
Шиир кхьин сир амукьда
Хтайла жувал.
Къаних-къаних ягъада кам
Гъил туна хурал.
Рик1 чкадал хуькведа зи,
Шаирдин гьал я.
Са уьмуьр мад хъхьайт1а заз
Зи иман ч1ал я.
Сур ч1ав*-къадим девир.
© Copyright: Эйваз Гуьлалийрин, 2016
Свидетельство о публикации №116021810086
Свидетельство о публикации №116021810086
Рецензии