Мецеризиз кьий, верц1и- верц1и рахазвай,
Ватандин накьв са кьибле хьиз аквазвай.
А лук1 кьирай, ч1ал Аллагь хьиз таквазвай
И чилин яд ,гьарам хьана вил кьурай.
-
Чи мецера дидедин ч1ал амат1а,
Чи бубайрин т1вар тарихра ават1а,
Са кек кьадар лезгидин руьгь кумат1та,
Чан гузавай хайи ч1алан гъил кьурай.
Чилни-цавни галтадарна зи агьди,
Дадна лугьуз ,зат1ни гудач Панагьди.
Аси жеда,т1ишанайт1ан гунагьди
Табзават1а къван вегьена кьил хурай.
_
Виридалай пара чидай кьасариз,
Aлимарни фен тавурай ахвариз,
Жуван гафар гвадармийир яргъариз,
Дидедин ч1ал вилик фена чил кьурай.
-
Эйваз я зун, гьалал ц1арар яр я зи,
Лезги шиир, машгъулат ваъ, кар я зи.
Патан гафар, рик1 ат1узвай пар я зи
Зурак1буру зурак1буруз зил кьурай.
Хайи ч1ала чил кьурай
© Copyright: Эйваз Гуьлалийрин, 2016
Свидетельство о публикации №116021810008
Свидетельство о публикации №116021810008
Рецензии