РикI гъуцарин чIехи са сир,
Руьгь цаварин аламат я.
Акъатна циф, алатна йиф,
Шукур зи Рагъ, саламат я.
А кьил авач и паквилиз,
Каинатдин виле ава.
Шак гъиз жедач, и гьахъвилиз,
Ам зи рикIин кьиле ава.
И дамарда ргазвайди,
Экуьн цIарцIун ярувал я.
Шаир цавуз мукьва кас я,
Мецинди гьа харувал я.
Тек ифинни эквуьвал туш,
Чилин ч1ехи диде я Рагъ.
Кьилел даим алаз хьуй гъил,
Чи къул, чи накьв, диге я Рагъ.
Диде я Рагъ
© Copyright: Эйваз Гуьлалийрин, 2016
Свидетельство о публикации №116021709781
Свидетельство о публикации №116021709781
Рецензии
