Гафарин атир кваз, рахана шагьвар
Даквазвай кIурукIдай цIар хъуьрена заз.
Хиял легьзе-легьзе кьулухъ элкъвена
Вилери сифте кьур, яр хъуьрена заз.
Чандай тIал акъатна, кьезил хьана зун,
Галатун чин тийир жегьил хьана зун.
Ашкъидай тух тежер са вил хьана зун,
А къайил вилерай зар хъуьрена заз.
КIамарин дегьнейра къекъвена ялгъуз,
Руьгь рикIив агатна гатфарин юкъуз.
Чеб кьацIал эцигун гунагь я лугьуз
Къелем хуш рахана, чар хъуьрена заз.
Чубарук агакьна, диганвай чIере.
Шукур, мад акуна, гатфарин бере.
Шаирдив каца гва шиирдин кьере
Хиял яргъаз тухуз, гар хъуьрена заз.
Гатфар хъуьрена
© Copyright: Эйваз Гуьлалийрин, 2016
Свидетельство о публикации №116021709472
Свидетельство о публикации №116021709472
Рецензии
