Къванцикай хкатна алахьиз къведа,
Шаирдин гьиссерик акахьиз къведа,
Чилин шагь дамардай авахьиз къведа
Накьвадин атир кваз, дад гваз и булах.
ПIузар хъиткьинарна сваха тIал туна.
Вилиз ашкъи гъана, кьиле къал туна.
Эвел алугарна и рикI цIал кьуна
Ахпа алах хьана, яд гваз и булах.
РикIерин дава я, муьгьуьбатдин пIир.
СтIалрай хъуьрезва, кIанивилин сир.
Яр чIалал къвен тийиз, жегьил са шаир-
Яман дарда хьана сад гваз и булах.
Тек яд я акурди цаварин дидар.
ЯхцIур кьулухъ туна, алатна йикъар.
РикIиз циф илифна акатайла хар
Акъатна къаншардиз гад гваз и булах.
Булах
© Copyright: Эйваз Гуьлалийрин, 2016
Свидетельство о публикации №116021709426
Свидетельство о публикации №116021709426
Рецензии