Вафа течирдаз
Аран дагъдихъ, дагъ арандихъ акахьна,
Булах рик1из, рик1 рекъериз авахьна.
Туькьуьл гару къув ягъана рекье зи.
Вун зид тушир, са гъам гьатна рик1е зи.
Вун галачиз и рехъ гьикьван яргъиди,
Галудна зун къарибвилин дердиди.
Бейхабардиз дегиш хьана дуьнья зи,
Са харудан бириш гьатна пеле зи.
Цуькверилай гъил къачунач гъилери,
Гуьзелрикай муд ат1анач вилери.
Ял ягъурай юргъун хьайи рик1и зи,
Вафа течирд гъун тахъвурай рекьи зи.
© Copyright: Эйваз Гуьлалийрин, 2016
Свидетельство о публикации №116021706015
Свидетельство о публикации №116021706015
Рецензии