Гъетери заз рехъ къалурна къведайла,
Мичlи йифиз тупlараллаз ви кьилив.
Кьарай квахьна зун вахъ дарих жедайла,
Амачирла сабур хуьдай вун вилив.
Кьадар хьанач вуна лагьай гафарин,
Мад хъижедан уьмуьрда са хъсанвал?
Гъавурда къе гьатнава зун крарин,
Ахъайда жал пеш илгьамдин тlурари?
Заз цавари кьисметди вун багъишна,
Гьич садазни эвердач за гуьруьшдиз.
Уьмуьрди чун,сад-муькуьдахъ танишна,
Хъсан,писни кьабулда за уьтквемдиз.
Ийида ваз за ширин тир суьгьбетар,
Агакьайтlа эгена зун ви кlвализ.
Ийиз тахьуй,гьич захъ галаз гьуьжетар,
Мажбур мийир хьайи крар тикрариз.
Кьисметди вун багъишна
© Copyright: Марьям Алискерова, 2016
Свидетельство о публикации №116021702968
Свидетельство о публикации №116021702968
Рецензии