Къуьнерихъ къе вегьена шал иердиз,
Ви къаншардиз къведа,яр,зун сейрдиз.
Гуьзел тават шад жеда вун акурла,
Зи кузвай рикl перишан я такурла.
Шумудра хьуй ви къаншардиз экъечlиз,
Ихтилатдик зун вахъ галаз экечlиз.
Вучиз кисна къвазнава вун атайди?
И дуьньяда тек са вун я авайди !
Тупlухъ тупlал туширтlа вун галайди,
Зи гъилерин гьалкъада вун тадай хьи.
Кlанда заз гьакl, вун я зи рикl алайди,
Кlани гада, зун вахъ галаз катдай хьи.
Вилер валлаз акъвазна гаф гуьзетиз,
Зун сефил яз тазва вуна азизди.
Ахварайни аквазва захъ гьуьжетиз,
Кьисмет хьанач багъишламиш,кlаниди.
Перишан я, такурла
© Copyright: Марьям Алискерова, 2016
Свидетельство о публикации №116021702871
Свидетельство о публикации №116021702871
Рецензии
