Хтанва гатфар

                Хтанва гатфар

Ац1узвайди рик1 ят1ана зи,
Я тахьайт1а чар?
Ярдин патав, яр къведай хьиз
Хтанва гатфар.

Живедикай фит1инна яд,
Ракъиникай нур.
Заз к1андайвал диганва мад
Хайи чилин хур.

Инсан я зун чи камарин
Кук1уп1дихъ ц1игел.
Къекъвез к1ани, чиг авайла
Алачиз к1вачел.

Экъеч1на мад адет тирвал
Ракъинлай вилик.
Ял ягъана гуьнед хурал
Кукуп1дин кьилихъ.

Чигедикай фул гьатнавай
И гъвеч1и чанда.
Зун апсинай* цуьк я кук1уп1
Хайи ватанда.

Галукьай хьиз наши п1узар
Ракь хьтин к1еви.
Яру хъуьхъвел к1ац1 аламай
Кьиткьенна иви.

Са ст1алди звер ганавай
Цуьквед тарцелай.
Кьабулзавай ракъинин нур
Экуьн ц1арц1елай.

Са гъил туна за гарданда
И чил къаз гъилел.
Хкаж хьана жигъирдай зун
Чархидин пелел.

                *Апсинай - суьгьуьрда  тван.


"Охай"  на зи байихари
Галтад хьана рик1               
                Лепе гьатна ц1арара зи,
Женнет квай вилик.

Ац1узвайди зи рик1 ят1а,
Я тахьайт1а чар.
Ярдин патав яр къведай кьиз
Хтанва гатфар.

                ***

Цуькверин  хурудал  эцигна  за  кьил,
Байихрай  галатун  акъатрай  лугьуз.
Кьац1  алай  са  къелем  къазва  гъиле  за
Зи  т1алар  рик1елай  алатрай  лугьуз.

                Кук1уп1дин  халунлай  хъваз  хьайит1а  хурп1,
Мез  тахьай  бендедай  ч1алар  акъатда,
Зи  Руьгьдиз  серинвал  гъизва  гатфари,
                Зи  чанда  муг  авур  т1алар  акъатда.

Чан  гуз  авай  чирагъдин  ван  твадач  за.
Рик1 ифирдай, руьгь  юзурдай  ван  я  зун.
Гьалал  касдиз  арха  я  зун, дагъ  я  зун
Дак1анбуруз  дагъ  кьван  авай  къван  я  зун.