Чи несилдиз гъвечlи-чleхид чизамач,
Аладайдан рехъ кьуна чун физамач,
Туькlвейла кар хайид рикlел гъизамач,
Вуч фад чна дегишна чи къилихар!
Хайи чили кьегьалар чаз хазамач,
Хайибуру пак лезги кьин кьазамач,
Кьин гайидан рикl ватандихъ тlазамач,
Экуь дуьнья, мийир зи рикl дарихар.
Багьа къаш хьиз, чна чи тlвар хуьзамач,
Халкьдин никlе сада кьван гвен гуьзамач,
Регьим патал рикlе чка куьз амач,
Къалин жезва къалай-къуз чи синихар.
Хуьруьхъ-кlвалихъ хуравай рикl кузамач,
Четин юкъуз жувандав гъил гузамач,
Кармаш хьана- акъатна захъ пlуз амач,
Жезмач завай рикlевайбур чуьнуьхар.
Чи несилдиз...
© Copyright: Вадим Адилов, 2016
Свидетельство о публикации №116021501462
Свидетельство о публикации №116021501462
Рецензии