Чун шиирда
Ц1ийи са рехъ.
Кьат1унрин чим,
Гьиссерин экв.
Мурадрин цуьрц1,
"АЛАМ"дин хел.
Са векъи хъвер,
Са дили шел.
Хайи чилин
Цуьквед атир,
Хайи ч1алан
Гафунин сир.
Рик1ин дак1ар
Гатазвай гар,
Салам гузвай
Шагьдин шагьвар.
Цуьквед гардан
Кьунвай ст1ал,
Руьгьдин т1алаб,
Т1алабдин т1ал.
Лугьуз тахьуй,
Вуч гафар я?
Муштулух я,
Хуш хабар я.
Къени кар я,
Ц1ийи т1вар я,
Шиир яр я,
Рахун ц1ар я,
Куь рик1из кьий
Чан жуванбур,
ЧУН МАРВАР Я!!!
Чун марвар я
© Copyright: Эйваз Гуьлалийрин, 2016
Свидетельство о публикации №116021407973
Свидетельство о публикации №116021407973
Рецензии