ЭКВ:
Квез акурди са ахвар туш, са мах туш.
Са хизандин мусибат туш, са агь туш.
Им чи элдин кьилел алай ч1ехи къал,
Агъзурралди чи инсанрин рик1ин т1ал .
Акъатайт1ан ватандилай яргъариз,
Чаз ватандиз хуькведай чин амукьрай.
Аватайт1ан наташаяр бахтуниз,
Чи веледрив дидедин ч1ал гумукьрай.
Вилин накъвар чара жедач т1алариз,
Ифин вахце бубад к1валин цлариз.
Яб акала и шаирдин гафуниз,
Гьуьрмет ая жув акъатай къапуниз.
Эл амачиз кесиб тахьуй ватан чи,
Дагъ амачиз ажуз тахьуй хизан чи.
Чаз дуьнядал экъведай чин амукьрай,
Чи веледрив дидедин ч1ал гумукьрай,
Дидедин ч1ал гумукьрай.
Экв драмдай
© Copyright: Эйваз Гуьлалийрин, 2016
Свидетельство о публикации №116021407910
Свидетельство о публикации №116021407910
Рецензии