Рик1е гъезел, ргай ч1авуз гьар са ц1арц1е звал эцига,
Кьезил хьурай к1елзавайдаз муьгьуьббатдин ч1ал эцига.
Жедай кар я, са дуьшуьш яз т1ебиатни акахьайт1а,
Цуьквед лечек гъариб тамир, виш дамах гвай хал эцига.
Къайда авач канивилиз, лезет къачу и гьисдикай,
Тух жедай туш, ч1ух жедай туш, рик1 ашкъидин ц1ал эцига.
Хъуьт1уьн ц1игни гуьлуьшан я, канивилел атай ч1авуз,
Ярдин вилик гатфарикай хкат1навай шал эцига.
Шаир Эйваз, кан жемир ваз, рик1ив къугъваз хуш гуьзелрин
Тек са рик1е багъ кутуна, чк1ур тежер к1вал эцига.
Ярдин рик1е к1вал эцига
© Copyright: Эйваз Гуьлалийрин, 2016
Свидетельство о публикации №116021412189
Свидетельство о публикации №116021412189
Рецензии