“…Зи рикIе ашкъи жуьгьен-жуьгьен тир” (А.Мегьман)
Я вилер галатнач, я рикI ацIанач,
И танда са зурзун, ифин акуна.
Вуч хьана, вуч хьанач сир амукьна заз,
Амма и атайди йигин акуна.
Акахьна сад-садахъ зи югъни зи йиф.
Зун вичиз килигна, вич чилиз, гьайиф!
Вучиз заз акунрай, туна зун къекъиф,
И рикIин гъил кьуна хъфин акуна.
Вучиз а легьзеда кIвалахнач кьили,
Са келме атIанач, ваъна заз гъили.
Гуьзел нашиди тир, шаирни дили,
Гаф рахун заз пара четин акуна.
Эхир шаирдин мез чIалал атана,
Гъил-гъилин, рикI-рикIин къвалал атана.
Хиялдиз са регъуь аял атана,
Къаншарда дуьм яру са чин акуна.
Хуш хьана гуьзелдиз шаирдин аваз,
РикIе ашкъи аваз, мецел шиир гваз.
Гатфарин экуьн хьиз, хъуьрена Эйваз,
Кьве рикIай сад атай амин акуна.
Амин акуна
© Copyright: Эйваз Гуьлалийрин, 2016
Свидетельство о публикации №116021412086
Свидетельство о публикации №116021412086
Рецензии