Къелемдиз гьиссери наши лугьузва,
Кхьизвай ц1арара нехиш тахьайт1а.
Тек садра, тек садан ахвар ат1ана
Вичиз муьт1уьгъардай дуьшуьш тахьайт1а.
Саврухрин капашдай акъудна хиял,
Гафунив ахъайдай ахъа тежер т1вал.
Кьвал-кьвалал эцигдай, кук1уш-кук1ушдал
Шердив гьахъ кьац1урдай шириш тахьайт1а.
И рик1 кун тавурт1а сефил амукьда,
Фагьумдин дегьнеда кьве вил амукьда,
Эйваз кьудкъадазни жегьил амукьда
Рик1е ажузвилин бириш тахьайт1а.
Жегьил амукьда
© Copyright: Эйваз Гуьлалийрин, 2016
Свидетельство о публикации №116021412010
Свидетельство о публикации №116021412010
Рецензии