Бахтавар
Дарман тежер рик1ева т1ал,
Вун зи Лукьман хьухь т1ун, азиз Бахтавар .
Дилавар мез жезава лал,
Хевлет есир хьанва зун низ, Бахтавар?.
Саймиш тийиз гьич зи гуьгьуьл,
Лампа ян вун ишигъдай тав, Бахтавар?!
Багъдатдани жеч къизилгуьл,
Гуьзелвиляй тешпигьдай вав,Бахтавар.
За гъуцариз минетзава,
Ваз са мирвет хьуй лагьана,Бахтавар.
За аллагьдиз суьнетзава,
Ваз ашкъид дерт гуй лагьана,Бахтавар.
Ви дидарди кана шумуд,
Зунни кумир,ваз гунагь я,Бахтавар.
Ат1умир зи амай умуд –
Зи ашкъидин вун панагь я,Бахтавар.
Нажмудина, акурла т1ал,
Кхьена вич кай гьалдикай,Бахтавар.
Ашукь ят1а, лагь куз са ч1ал,
Хабардар хьуй зи т1алдикай Бахтавар.
Бахтавар
© Copyright: Нажмудин Шихнабиев 2, 2016
Свидетельство о публикации №116021200212
Свидетельство о публикации №116021200212
Рецензии