Са канда лагь
Эгер зун ваз хуш тучирт1а,
Багьна ийиз цел къведачир.
Гаф лагьайла таза вилел
Хъвер акахьай шел къведачир.
Маргъал авай хъуьт1уьн цик1из
Цуькведкай хьиз атир чик1из.
Ашкъи лугьуз, рик1ай-рик1из
Ван алахьиз сел къведачир.
Вун акурла заз Чпирдал.
Гъил винизнай, за гьахъ тирдал.
Ваз чинеба лагьай сирдал
Цуьрцер гьална хел къведачир.
Эгер зун ваз хуш тучирт1а,
Амай уьмуьр нуш тучирт1а,
Вун заз к1ани руш тучирт1а
Рик1из ашкъид хьел къведачир.
Яргъи хьана гуьзел и наз,
Канивилин гугу галаз,
Са канда лагь на Эйвазаз
К1усни вакай хъвел къведачир.
© Copyright: Эйваз Гуьлалийрин, 2016
Свидетельство о публикации №116021107308
Свидетельство о публикации №116021107308
Рецензии