Ч1ал я зи рик1
Кьаз тежезвай девирдин гъил
Лугьузва хьи, къал я зи рик1.
Алахъзавай къванциз ийиз
Пехъибуруз т1ал я зи рик1.
За живедал ат1анач гел,
Къванерилай алудна хъел.
Вучиз т1ал хьиз къведа рик1ел,
Белки чими, к1вал я зи рик1.
Акьурт1ани вилера ц1ам,
Алажайт1ан мецелай хам,
Иливариз жедач айгьам
Ифин пара звал я зи рик1.
Шуп1 хьунивай к1еви жез чан,
Каш ягъазвай залан-залан.
Дувулдиз т1ем гайи ч1алан
Къенин йикъал гьал я зи рик1.
Кьуд пад иер акваз вилиз,
Икрамда за хайи чилиз.
Я стхаяр, кьиляй-кьилиз
Жуван дидед ч1ал я зи рик1
© Copyright: Эйваз Гуьлалийрин, 2016
Свидетельство о публикации №116021107269
Свидетельство о публикации №116021107269
Рецензии