Гъвеч1и руш
Чан гъве1и руш,чан гъвеч1и руш,
Ви тай гьич хуьревайд туш.
Ийидай кар рик1из жед хуш,
Гьич акъатич ихтилат буш.
Кьада вичи гьар са амал,
Дидедин я рик1ин хиял,
Нехирдизни тухуда мал,
Безетмишда бустанни сал.
Илимарни чирда хъсан,
Нинийривни къугъвад масан.
Гагь алук1из партал сусан,
Квез амалар акван рушан.
Хуп1 манияр яда гуьзел,
Ширин гафар жеда мецел.
Квар къачуна,фида вич цел,
Шад жеда вич,хьайила мел.
Чан бубад руш,чан дидед руш,
Садан хатур гьич хадайд туш.
Икьван рик1из жедани хуш,
Лезгистандин багъдавай къуш
© Copyright: Нажмудин Шихнабиев 2, 2016
Свидетельство о публикации №116020810750
Свидетельство о публикации №116020810750
Рецензии