Гафар къвезмач лугьур мецел,
Буьркьуь хьанва рик1ин вилер.
Хквезмач я инсан(ар), "рекьел".
Дуьнья шехьиз, къвазва селлер.
Къван къванцел гьеч, тазвач кьерел,
Ч1ур хьанва лап, суван рекьер.
Нуц ацукь хъийизмач къванцел,
Квахьзава чи, "дагъдин лекьер".
Абур къвезмач, хуьруьн кварцел,
Баят жезва халкьдин чилер.
Къарагъзамач манид (ин) ванцел,
Рехи жезва дагълар(ин) кьилер.
Адетарни квахьиз рик1ел,
харабриз элкъвезва к1валер..
Атай - татай лугьуз сивел,
Гьарайди къачунва эллер.
Куь ругь эциг хайи чилел!
Пад жедалди рик1ин хилер.
Алуд мийира хкваш рик1ел,
Жуван Ватан, бубад к1валер.
Рик1ел хкваш жуван чилер
© Copyright: Назиль Махмуд 76, 2016
Свидетельство о публикации №116020710681
Свидетельство о публикации №116020710681
Рецензии